Dumulog sa tanggapan ni Raffy Tulfo ang isang dalaga na nagngangalang Nicole Soliman upang maging representante ng kanyang ate na nasa US. Inirereklamo ni Nicole ang ex-boyfriend ng kanyang ate na si Ren Magtoto, 29 years old at nagtatrabaho bilang factory worker sa Korea.
G0ld Digger Na Boyfriend
Aniya ay panay ang hingi nito ng pera sa kanyang ate Myca, 24-years old at nagtatrabaho bilang caregiver sa Los Angeles, California.
Ayon na din kay Myca, matapos umano nito magbigay ng tinatantyang 500k kay Ren ay nagbreak umano ang mga ito at blinock sya sa Facebook. Ito umano ang nagpa-aral kay Ren at tumulong na makarating sa Korea at makapagtrabaho.
Nang mapag-alaman na idudulog kay Tulfo ang kanilang reklamo ay biglang inunblock ni Ren si Myca sa Facebook at nagsabi na babayaran nito ang mga kautangan sa dalaga. Ganunpaman, nang walang mapala sa pangako ni Ren, ay tuluyan nang iniakyat ang reklamo kay Tulfo.
Maselang Isyu
Humarap naman ang nanay at kapatid ni Ren sa himpilan ni Raffy. Doon ay nagkaharap sina Nicole at partido ni Myca.
Sa pag-uusap ay lumabas ang iba pang isyu na kung saan ay hinipuan umano ni Ren ang nakababatang kapatid ni Myca nang minsang natulog ito sa kanilang bahay. Kahit pa umano nasa ibang bansa si Myca ay dumadalaw dalaw si Ren sa bahay ng mga kapatid ni Myca. Ganunpaman, sa una ay hindi pinaniwalaan ni Myca ang sumbong ng mga kapatid at higit na naging mas matimbang ang dating nobyo.
Depensa Ni Kuya
Naging madepensa din naman ang kapatid ni Ren sa mga paratang ni Nicole laban sa kapatid nito. Ngunit sa huli, nangibabaw ang katotohanan na tila nag-take advantage si Ren kay Myca nang masambit ang isyu na nanghihingi ito ng kotse mula sa dalaga.
Ayon sa kapatid ni Ren, kaya lamang umano pinaparatangan ng mga isyu ang kanyang kapatid ay dahil personal na inaayawan ng mga kapatid ni Myca ito. Hirit naman ng nanay ni Ren, selosa si Myca kaya naman nagkasiraan ang magkasintahan.
Sa huli ay nagkasundo ang dalawang partido na magbabayad ng utang si Ren kay Myca sa tinatayang 90k na babayaran sa loob ng 3 buwan.
Source: Youtube
0 Comments